كلما بشتقلك

كلما بشتقلك ..

بمسك قلم و ورقة

بجرب أرسملك صورة

أو اكتبلك غنية

أو أرسملك بيت صغير

و أرسم شجرة و غيمة و طير

كلما بشتقلك

بشعل شمعة بقلب الليل

بلش احكيلك عالناس

أو احكيلك عن حالي

أو سليكي بقصة جديدة

حتى ما خليك وحيدة

و كان يا ما كان ...

كان في اميرة بمملكة بها الكون

كرمالا خلق السهر

شعرا بيغزل لون بلون

لعيونا يغنوا البشر

حراسا شمس و قمر

كانت تنزل من قصرا

تبرم تزور الفقرا

مرة من خلف البواب

شافت شب من الشباب

هي مزينة بالألماس

وهو واحد من هاناس

ما بعمرو شاف الدهب

بعيونوا القهر انكتب

وباليل

و بعد ما الكون غطى بالعتم العيون

طلبت منو عشيقا يكون

عانق جنونا بجنونب

أرض بعيدة ..

عحدود الدنيي ..

بمملكة بها الكون

كلما بشتقلك ..

بقدر كل الحكي و السكوت

بقدر كل لحظة بتموت.

.انتي فيها مو موجودة

كلما بشتقلك

بعلي فوق الغيم عيونى

حتى أشوفك وين ما تكونى

مهما كنت عنى بعيدة

كلما بشتقلك

أغنية لفريق كلنا سوا